Zikloaren aurkezpena

Titulu honen konpetentzia orokorra da plataforma anitzeko aplikazioak garatzea, ezartzea, dokumentatzea eta mantentzea, berariazko teknologiak eta garapen-inguruneak erabiliz, datuak modu seguruan atzitzen direla bermatuz, eta ezarritako estandarretan eskatzen diren usagarritasunaren eta kalitatearen irizpideak betez. 

Ziklo honetako lehenengo 5 moduluak (baita ingelesa teknikoa ere) berdinak dira Web Aplikazioen Garapena zikloan (bietako ziklo batean gaindituz gero, nota beste ziklora pasatzen da zuzenean). Gainera, modulu transbertsalak (Enpresa eta ekimen sortzailea eta Laneko prestakuntza eta orientabidea) baliozkotu daitezke (bi zikloen artean). Horrela, Plataforma Anitzeko Aplikazioen Garapeneko Goi Mailako teknikaria titulua lortu ondoren, matrikulatu eta beste 4 modulu gehiago gainditu baino ez duzu egin behar Web Aplikazioen Garapeneko Goi Mailako teknikaria titulua lortzeko.

Prestakuntza helburuak, irteera profesionalak eta titulazio baliokideak

Heziketa-zikloaren helburuak

• Informatika-sistemak konfiguratzea eta ustiatzea, eta, horretarako, sistemaren konfigurazio logikoa doitzea, ezarritako irizpideen eta erabilera-beharren arabera. 
• Datu-baseak kudeatzea, eta, horretarako, horien diseinu logikoa interpretatzea eta datuen osotasuna, konsistentzia, segurtasuna eta eskuragarritasuna egiaztatzea. 
• Datu-baseetarako sarbidea duten plataforma anitzeko aplikazioak garatzea, zehaztapenetara egokitzen diren lengoaiak, tresnak eta liburutegiak erabilita. 
• Usagarritasun egokia duten erabiltzaile-interfaze grafiko elkarreragileak garatzea, eta, horretarako, ikus-osagai estandarrak erabiltzea edo berariazko ikus-osagaiak inplementatzea. 
• Prozesu anitzeko eta hari anitzeko aplikazioak garatzea, berariazko programazioko teknikak eta liburutegiak erabilita. 
• ERP-CRM sistemen ezarpenean parte hartzea, horren moduluetako bakoitzaren erabilgarritasuna ebaluatuta. 
• ERP-CRM sistemetan biltegiratutako informazioa kudeatzea eta haren osotasuna bermatzea. 
• ERP-CRM sistema baterako osagai pertsonalizatuak garatzea, eskakizunei erreparatuta.
• Talde-lana garatzea eta haien antomendua baloratzea, tolerantziaz eta errespetuz parte hartuz, eta erabaki kolektiboak edo bakarkakoak hartzea, erantzukizunez eta autonomiaz jarduteko.
• Ekimenari lotutako gaitasunak ezagutu eta aintzat harzea, eta ikasi eta enplegatzeko aukerak identifikatu bere lan-ibilbidea kudeatzeko.

Titulazio baliokideak:

Zikloa amaitzean, Plataforma anitzeko aplikazioen garapeneko goi mailako teknikariaren titulazioaz gain, ondorengo egiaztapenak eskuratuko ditu ikasleak:

• Lan-arriskuen prebentzioko oinarrizko maila: Lan Prestakuntza eta Orientabidea lanbide-moduluak, lan-arriskuen prebentzioko oinarrizko mailaren jarduerak burutzeko beharrezkoak diren lanbide-erantzukizunak burutzeko gaitasuna ematen du.

Lanbide eta irteera profesional esanguratsuenak

• Enpresa- eta negozio-kudeaketako informatika-aplikazioak garatzea.
• Helburu orokorreko aplikazioak garatzea.
• Entretenimenduaren eta informatika mugikorraren esparruko aplikazioak garatzea.

Sarbide baldintzak

Urrutiko Lanbide Heziketako Institutuan ikasteko adina

Mota honetako ikaskuntzan sartzeko, ikasleak hogei urte izan behar ditu goi-mailako teknikariaren tituluetarako (goi-maila) edo hemeretzi, teknikari-titulua badu.

Goi-mailako heziketa-zikloetan sartzeko baldintza akademikoak

• Batxilergo titulua.
• Baliokideak diren beste ikasketak:
  • Batxilergo esperimentaleko 2. maila gainditua izatea.
  • UBIa gaindituta izatea.
  • Bateratutako batxilergo balioanitzeko (BBB) titulua
  • Teknikari espezialista titulua (LHII).
  • Goi-mailako teknikari titulua.
  • Unibertsitate titulua.
• Teknikari titulua (Erdi-maila).
• Goi-mailako sarbide froga famili profesionalari dagokion opzioan.
• 25 urtetik gorakoei zuzendutako unibertsitatera sarbide-froga.

Beste titulu baliokideak kontsultatu ahalko dituzu ondorengo dokumentuan.

Baliabide teknikoak eta beharrezko baliabideak

Urrutiko heziketa-zikloa egiteko behar diren informatika-ezagutzak

Prestakuntza mota hau ordenagailu pertsonalaren erabilerari, ofimatika eta Interneti buruzko oinarrizko ezagutza (web-orrietan nabigatzea, posta elektronikoa eta testu-prozesadoreen erabilera, etab.) duten ikasleentzat da gomendagarria.

Behar diren baliabide teknikoak

Interneterako sarbidea duen edozein ekipotatik sar badaiteke ere, oso gomendagarria da ikasturte osoan ordenagailu eta Interneterako sarbide propioak izatea, horren segimendua bermatzeko. Ziklo honetako jardueren  ezaugarriak kontutan izanda, 8GBeko RAM memoria duen ordenagailua izatea beharrezkoa da.

Ikasketa-plana

Heziketa-ziklo hau A ereduan eskaintzen da eta ondorioz bere moduluetan erabiliko diren ikasketa baliabideak gazteleraz aurkeztuko dira. Hala ere, ikasleak moduluetako jarduerak eta irakasle-ikasleekin izan dezakeen komunikazioa, euskaraz nahiz gazteleraz egin ahalko ditu.

Ondorengo taulan zikloa osatzen duten lanbide-moduluak aurkezten dira, 2019-20 ikasturterako eskainitako modulu eta plaza kopurua, eta baldintza eta gomendio akademikoak berauek ikas ahal izateko.

Bertaratze bidezko saioak

Heziketa-ziklo hau erabat onlinekoa da. EZ dira bertaratze saiorik egongo.

Ikaste eta ebaluazio jarduerak guztiak ikaskuntza plataformaren bidez egingo dira.

Matrikulazioa

Matrikulazio prozesuko faseak eta  datak ondorengoak dira: