Zikloaren aurkezpena

Titulu honen konpetentzia orokorra honetan datza: fabrikazio mekanikoko produktuak, txapa prozesatzeko tresnak, eta polimeroetarako, galdaketako, forjaketako, estanpazioko edo pulbimetalurgiako moldeak eta ereduak diseinatzea; kalitatea ziurtatuta, eta laneko arriskuen prebentzioari eta ingurumen-babesari buruzko araudia betez.

Prestakuntza helburuak, irteera profesionalak eta titulazio baliokideak

Heziketa-zikloaren helburuak

• Fabrikazio mekanikoko produktuen eraikuntza-soluzioak asmatzea eta, horretarako, horiek dimentsionatzeko beharrezko kalkuluak egitea eta proba-planak ezartzea.
• Diseinatutako produktuak fabrikatzeko beharrezko dokumentazio teknikoa prestatu, antolatu eta egunean edukitzea.
• Osagaiak eta materialak hautatzea, fabrikazio-eskakizunak eta egindako kalkulu teknikoen emaitza kontuan izanda, eta industria-produktuen katalogoak edo bestelako informazio-iturri eleaniztunak erabilita.
• Ezarritako eskakizunak beteko direla ziurtatzeko beharrezko saiakuntzetako eta homologazioko plana ezartzea.
• Planteatutako soluzioaren automatizazioa zehaztea, horren funtzioa eta parametroak finkatuta.
• Multzoko eta fabrikazioko planoak industria-marrazketaren arauak kontuan izanda marraztea, CADeko softwarea eta ekipoak erabilita.
• Diseinuan aldaketak egitea, prototipoaren fabrikazioan antzemandako arazoen arabera.
•  Moldeen diseinua optimizatzea, horiek bete eta hozteko prozesua simulatuta, moldatutako produktuen kalitatea ziurtatzeko, eta prozesu-denbora eta erabilitako baliabide energetikoak optimizatzeko.
• Proiektuaren planoei dagokien dokumentazio tekniko osagarria (erabilera-eta mantentze-jarraibideak, eskemak eta ordezko piezak, besteak beste) prestatu, antolatu eta egunean edukitzea, baliabide ofimatikoak erabilita.
• Talde-lana garatzea eta haien antomendua baloratzea, tolerantziaz eta errespetuz parte hartuz, eta erabaki kolektiboak edo bakarkakoak hartzea, erantzukizunez eta autonomiaz jarduteko.
• Ekimenari lotutako gaitasunak ezagutu eta aintzat harzea, eta ikasi eta enplegatzeko aukerak identifikatu bere lan-ibilbidea kudeatzeko.

Titulazio baliokideak

Zikloa amaitzean, Fabrikazio mekanikoko diseinuko teknikariaren titulazioaz gain, ondorengo egiaztapenak eskuratuko ditu ikasleak:

• Lan-arriskuen prebentzioko oinarrizko maila: Lan Prestakuntza eta Orientabidea lanbide-moduluak, lan-arriskuen prebentzioko oinarrizko mailaren jarduerak burutzeko beharrezkoak diren lanbide-erantzukizunak burutzeko gaitasuna ematen du.

Lanbide eta irteera profesional esanguratsuenak

• Delineatzaile proiektugilea.
• CADeko teknikaria.
• Produktuak garatzeko teknikaria.
• Matrizeak garatzeko teknikaria.
• Tresnak garatzeko teknikaria.
• Moldeak garatzeko teknikaria.
• Produktuak eta moldeak garatzeko teknikaria.

Sarbide-baldintzak

Urrutiko Lanbide Heziketako Institutuan ikasteko adina

Mota honetako ikaskuntzan sartzeko, ikasleak hogei urte izan behar ditu goi-mailako teknikariaren tituluetarako (goi-maila) edo hemeretzi, teknikari-titulua badu.

Goi-mailako heziketa-zikloan sartzeko baldintza akademikoak

• Batxilergo titulua.
• Baliokideak diren beste ikasketak:
  • Batxilergo esperimentaleko 2. maila gainditua izatea.
  • UBIa gaindituta izatea.
  • Bateratutako batxilergo balioanitzeko (BBB) titulua
  • Teknikari espezialista titulua (LHII).
  • Goi-mailako teknikari titulua.
  • Unibertsitate titulua.
• Teknikari titulua (Erdi-maila).
• Goi-mailako sarbide froga famili profesionalari dagokion opzioan.
• 25 urtetik gorakoei zuzendutako unibertsitatera sarbide-froga.

Beste titulu baliokideak kontsultatu ahalko dituzu ondorengo dokumentuan.

Baldintza teknikoak eta beharrezko baliabideak

Urrutiko heziketa-zikloa egiteko behar diren informatika-ezagutzak

Prestakuntza mota hau ordenagailu pertsonalaren erabilerari, ofimatika eta Interneti buruzko oinarrizko ezagutza (web-orrietan nabigatzea, posta elektronikoa eta testu-prozesadoreen erabilera, etab.) duten ikasleentzat da gomendagarria.

Behar diren baliabide teknikoak

Interneterako sarbidea duen edozein ekipotatik sar badaiteke ere, ziklo honetako jardueren  ezaugarriak kontutan izanda, beharrezkoa da ikasturte osoan ordenagailu eta Interneterako sarbide propioak izatea, horren segimendua bermatzeko.

Beharrezko materialeak

Fabrikazio mekanikoko teknikak moduluko bertaratzeko bidezko saioetarako, ikasleak, ikasturte hasieran adieraziko diren laneko arropa eta norbanakoaren babes ekipoak (betaurrekoak eta segurtasun botak) beharko ditu.

Ikasketa-plana

Prestakuntza ziklo hau A ereduan eskaintzen da eta ondorioz bere moduluetan erabiliko diren ikasketa baliabideak gazteleraz aurkeztuko dira. Hala ere, ikasleak moduluetako jarduerak eta irakasle-ikasleekin izan dezakeen komunikazioa, euskaraz nahiz gazteleraz egin ahalko ditu.

Ondorengo taulan zikloa osatzen duten lanbide-moduluak aurkezten dira, 2019-20 ikasturterako eskainitako modulu eta plaza kopurua, eta baldintza eta gomendio akademikoak berauek ikas ahal izateko.

Bertaratze bidezko saioak

Heziketa-ziklo honetako zenbait modulutan, ikaskuntza plataformaren bidez eginiko ikaste eta ebaluazio jarduerak, bertaratze bidezko saioekin osatuko dira.

Heziketa-ziklo honetako bertaratze bidezko saioak ondoko ikastetxeetan izango dira.

Matrikulazioa

Matrikulazio prozesuko faseak eta  datak ondorengoak dira: