Zikloaren aurkezpena

Titulu honen konpetentzia orokorra da eraikinetan telekomunikazio-azpiegiturak, behetentsioko instalazio elektrikoak, makina elektrikoak eta sistema automatizatuak muntatzea eta mantentzea, betiere indarrean dagoen araudia eta erregelamentazioa aplikatuz, kalitate, segurtasun eta laneko arriskuetako protokoloak aintzat hartuz, eta funtzionalitatea eta ingurumenarekiko errespetua ziurtatuz.

Helburuak, irtenbide profesionalak eta titulazio baliokideak

Heziketa-zikloaren helburuak

• Muntatzearekin eta mantentzearekin lotzen den logistika ezartzea eta instalazioen eta ekipoen dokumentazio teknikoa interpretatzea.
• Instalazioak eta tresneria konfiguratzea eta kalkulatzea, eta, horretarako, horiek osatzen dituzten elementuen kokalekua eta dimentsioak zehaztea eta erregelamenduetako aginduak errespetatzea.
• Instalazioa edo ekipoa muntatzearen edo mantentzearen aurrekontua egitea. Muntatzeko edo mantentzeko lanak egiteko baliabide eta bitartekoak biltzea.
• Instalazioa dokumentazio teknikoaren arabera berriro planteatzea, konpetentziaren arazoak ebatziz eta beste kontingentzia batzuen berri emanez, muntaiaren bideragarritasuna ziurtatzeko.
• Behe-tentsioko banaketa-sareen osagaiak muntatzea, kalitateko, segurtasuneko eta ingurumenarekiko errespetuko baldintzetan.
• Instalazio elektrikoekin eta automatizatuekin, eguzki-instalazio fotovoltaikoekin eta eraikinetako telekomunikazio-azpiegiturekin lotzen diren ekipoak eta kanalizazioak muntatzea, kalitateko, segurtasuneko eta ingurumenarekiko errespetuko baldintzetan.
• Makina elektriko birakariak eta estatikoak kalitate-eta segurtasun-baldintzetan instalatzea eta mantentzea. Instalazioak eta ekipoak mantentzea eta konpontzea, eta horretarako, horien elementuak egiaztatzeko, doitzeko eta ordezkatzeko lanak egitea eta berriro funtzionatzen jartzea, betiere kalitateko, segurtasuneko eta ingurumenarekiko errespetuko baldintzetan.
•  Instalazioaren edo ekipoaren funtzionamendua proba funtzionalen eta segurtasun-proben bitartez egiaztatzea, abian edo zerbitzuan jarri aurretik.
• Talde-lana garatzea eta haien antomendua baloratzea, tolerantziaz eta errespetuz parte hartuz, eta erabaki kolektiboak edo bakarkakoak hartzea, erantzukizunez eta autonomiaz jarduteko.
• Ekimenari lotutako gaitasunak ezagutu eta aintzat harzea, eta ikasi eta enplegatzeko aukerak identifikatu bere lan-ibilbidea kudeatzeko.

Titulazio baliokideak

Zikloa amaitzean, Instalazio Elektriko eta Automatikoko teknikariaren titulazioaz gain, ondorengo egiaztapenak eskuratuko ditu ikasleak:

• Lan-arriskuen prebentzioko oinarrizko maila: Lan Prestakuntza eta Orientabidea lanbide-moduluak, lan-arriskuen prebentzioko oinarrizko mailaren jarduerak burutzeko beharrezkoak diren lanbide-erantzukizunak burutzeko gaitasuna ematen du.

• Behe-tentsioko instalatzaile baimenduaren txartela: Tituluaren lanbide-moduluek, beren osotasunean ezarritako prestakuntzak, bermatu egiten du Behe tentsioko instalatzaile baimenduen txartelean eskatzen den jakintza-maila, bai oinarrizko kategorian, bai espezialistaren kategorian.

Lanbide eta irteera profesional esanguratsuenak

• Instalatzaile eta mantentzaile elektrikaria. 
• Eraikuntzako elektrikaria.
• Industria-elektrikaria. 
• Mantentze-elektrikaria. 
• Sistema domotikoetako instalatzailea eta mantentzailea.
• Antenen instalatzailea eta mantentzailea.
• Etxebizitza-eraikinetako telekomunikazioen instalatzailea.
• Ekipo eta instalazio telefonikoetako instalatzailea eta muntatzailea.
• Eguzki-energia fotovoltaikoko instalazioen muntatzailea.

Sarbide baldintzak

Urrutiko Lanbide Heziketako Institutuan ikasteko adina

Mota honetako ikaskuntzan sartzeko, ikasleak hemezortzi urte izan behar ditu, teknikari-tituluetarako (erdi-maila).

Erdi-mailako heziketa-zikloetan sartzeko baldintza akademikoak

• Derrigorrezko Bigarren Hezkuntzako titulua.
• Baliokideak diren beste ikasketak:
  • Teknikari-laguntzaile titulua (LH1).
  • Teknikari titulua (Erdi-maila).
  • Goi-mailako teknikari titulua.
  • Batxillergoko titulua.
  • IEEko 1. zikloa gaindituta izatea.
  • BBBko 2. maila gaindituta izatea. 
  • Erdimailako zikletako sarbiderako berarizko prestakuntza gainditua izatea.
  • Unibertsitate titulua.
• Oinarrizko Lanbide Heziketako titulua.
• Hasierako Lanbide-Prestakuntzarako Programetako (HLPPk) oinarrizko moduluak.
• Erdi-mailako edo Goi-mailako zikloetara sarbide-froga.
• 25 urtetik gorakoei zuzendutako unibertsitatera sarbide-froga.

Beste titulu baliokideak kontsultatu ahalko dituzu ondorengo dokumentuan.

Baldintza teknikoak eta beharrezko baliabideak

Urrutiko heziketa-zikloa egiteko behar diren informatika-ezagutzak

Prestakuntza hori ordenagailu pertsonalaren erabilerari, ofimatika eta Interneti buruzko oinarrizko ezagutza (web-orrietan nabigatzea, posta elektronikoa eta testu-prozesadoreen erabilera, etab.) duten ikasleentzat da gomendagarria.

Behar diren baliabide teknikoak

Interneterako sarbidea duen edozein ekipotatik sar badaiteke ere, oso gomendagarria da ikasturte osoan ordenagailu eta Interneterako sarbide propioak izatea, horren segimendua bermatzeko.

Beharrezko materialak

Bertaratzeko bidezko saioetarako, ikasleak, ikasturte hasieran adieraziko diren laneko erremintak beharko ditu.

Ikasketa-plana

Heziketa-ziklo hau A ereduan eskaintzen da eta ondorioz bere moduluetan erabiliko diren ikasketa baliabideak gazteleraz aurkeztuko dira. Hala ere, ikasleak moduluetako jarduerak eta irakasle-ikasleekin izan dezakeen komunikazioa, euskaraz nahiz gazteleraz egin ahalko ditu.

Ondorengo taulan zikoa osatzen duten lanbide-moduluak aurkezten dira, 2019-20 ikasturterako eskainitako modulu eta plaza kopurua, eta baldintza eta gomendio akademikoak berauek ikas ahal izateko.

Bertaratze bidezko saioak

Heziketa-ziklo honetako zenbait modulutan, ikaskuntza plataformaren bidez eginiko ikaste eta ebaluazio jarduerak, bertaratze bidezko saioekin osatuko dira.

Heziketa-ziklo honetako bertaratze bidezko saioak ondoko ikastetxeetan izango dira.

Matrikulazioa

Matrikulazio prozesuko faseak eta  datak ondorengoak dira: